wrapper

Флеш вести

Вторник, 14 Март 2017 20:50

(Видео) ЕЧЕШЕ МАКЕДОНИЈА, МАКЕДОНИЈА: „Лавовите“ од Престон го елиминираа грчкиот Клифтон Хил во Купот на Австралија

Екипата на Престон со 3:2 го победи Клифтон, а играчите знаеја како да го прослават триумфот

Престон Лионс е клубот кој ги брани македонските бои во австралискиот фудбал. Тимот на македонските иселеници од градот Престон имаше голем предизвик во Купот на Австралија. За противник го имаа Клифтон Хил. 

Тоа е екипа во која главниот збор го имаат грчките иселеници. Затоа и овој меч беше како дерби дуел меѓу македонските и грчките иселенци во Австралија. На теренот по 90 минути немаше победник, откако мечот заврши 2:2, а во дополнителните 30 минути. Престон даде гол за победа од 3:2 и голема радост во таборот кај сите „лавови“.

По мечот, во соблекувалната, клубот на македонските иселеници знаеше како да го прослави големиот триумф. Македонија, Македонија ечеше во соблекувалната.