wrapper

Флеш вести

Бисти на борци од НОБ поставени на повеќе локации во Штип, вчера осамнаа обезглавени и ишарани.

- Уништени се бистата на Васил Доганџиски, Ѓошо Сламката, Митко Цецов, како и еден од спомениците на револуцијата на Исарот - соопшти Драган Ристов, лице за односи со јавноста во општина Штип.

Штипјани се убедени дека ове е дело на несовесни и невоспитани граѓани.

Правописни, граматички, синтаксички и други јазични грешки во трудовите на идните магистри и доктори забележуваат лекторите, кои велат дека проблемот од генерација до генерација е сѐ поголем. Паралелно со тоа, како што додаваат, константно се зголемува непотребното уфрлање на странски зборови и нивно несоодветно користење во македонскиот јазик.
Работните обврски во регионот, специјалниот амбасадор од ОН, најчесто ги завршува со посета на Солун. Не само поради тоа што неретко неговиот лет за Њујорк е токму од Солун, туку и поради пријателството со еден грчки бизнисмен, со кој доста често ги споделува, во релаксирана атмосфера, впечатоците од разговорите во Скопје и во Атина. Метју Нимиц и Никос Ефтимиадис се пријатели над 25 години, а куќата на грчкиот бизнисмен на дваесетина километри од центарот на Солун е местото каде што доста често се разговарало суштински, за проблемот за името, за македонските и за грчките позиции, но и за напредокот во преговорите. На овие средби често, освен домаќинот и гостинот од САД, присутен бил и грчкиот преговарач Адамантиос Василакис.

Деловните банки во Република Македонија, коишто имаат дозвола за работење со платен промет со странство и коишто имаат отворено сметки во евра во Македонскиот интербанкарски платен систем (МИПС) на Народната банка, ќе имаат можност за прекугранични плаќања во евра за своите клиенти (правни и физички лица) преку најбрзиот и најбезбедниот платен систем во Европа ‒ системот ТАРГЕТ2.

Наскоро граѓаните на општина Гевгелија ќе гласаат „за“ или „против“ доделување на концесија за експлоатација на минерални суровини, злато и бакар, на дел од планината Кожуф. На 16 март одлуката за референдум едногласно ја донесе Советот на општината. Ова е можеби единствен случај кога советници на ВМРО-ДПМНЕ и на СДСМ беа на истата страна.

Русија развива нова хиперсонична крстосувачка ракета наречена „Циркон“, соопштува „Дејли Меил“. Ракетата е способна да развие брзина до 7,4 илјади км/ч, што значително го надминува капацитетот на противракетната одбрана на британската морнарица и, во суштина, ги прави британските носачи на авиони бескорисни, истакнува изданието.

Импровизиран скенер за метал како оној на аеродромите, редица куфери и симболична авионска карта потпрена на споменикот на Филип Втори постави академскиот сликар Никола Славевски во центарот на Битола. Ова беше политички ангажирана инсталација во јавниот простор која укажа на егзодусот што ѝ се случува на Битола со иселувањето.  Авторот вели дека целта е кога вниманието на јавноста е насочено кон наводна одбрана на државата од некаква виртуелна закана, на дневен ред да се постават суштинските проблеми.

Спасено е Преспанското Езеро од деградација, вратен е животот на автохтоните риби и заштитен опстанокот на далматинскиот пеликан и големиот фонд на птици од овој крај. Овие придобивки се  благодарение на 15 милиони долари кои во изминатите 15 години ги вложија Програмата за развој на Обединетите нации (УНДП) и Швајцарската агенција за соработка и развој во заштита на Преспанското Езеро.

Останувам на ставот дека Грција треба да го признае уставното име на Република Македонија, вели за „Дневник“ грчкиот новинар и аналитичар Такис Михас, по објавувањето на анализата под наслов „Македонија и Источна Германија“ во која говори за тоа колку се коректни и конзистентни, но и селективни ставовите на грчката надворешна политика.

 

Македонското население во Албанија се има концентрирано во многу села, од кои 46 се чисто етнички македонци, но нашинци има и во најголемите градови во Република Албанија

Страница 6 од 127

За нас

Радио Илинден е 24/7 часовно иселеничко Македонско радио од Мелбурн кое постои повеќе од 12 години. 

За било какви инормации можете да не контактирате во секое време на Оваа е-адреса е заштитена од спамботови. Треба да ви е овозможено JavaScript за да ја видите. 

Лице за контакт: Дончо Ангелоски Оваа е-адреса е заштитена од спамботови. Треба да ви е овозможено JavaScript за да ја видите.
+61 403 111 815

Категории

  • Австралија
  • Политика
  • Економија
  • Живот
  • Став
  • Интервју
  • Спорт
  • Занимливости

Следете не на