wrapper

Флеш вести

Михаил Лабковски, еден од најпопуларните руски психолози, смета дека среќата е главна тема на психологијата. Всушност, таа е способност да се ужива во животот.

говорник



Прочитајте која е причината што се чувствувате несреќни,  кои се пречките и што треба да се промени за да се достигне среќата, во советите на Лабковски:

Не плашете се да бидете среќни: Повеќето од луѓето живеат во семејство во кое не е прифатено да се ужива во животот, каде што не е добро да се зборува дека кај некој сé е добро. Неспособноста на родителите да се радуваат и смеат се пренесува на децата, и децата веруваат дека животот така е уреден. Уште една карактеристика е идејата дека ако сé оди добро за тоа ќе мора со сигурност да се плати. Луѓето се плашат да уживаат во животот и го поврзуваат тоа со нешто лошо.

Престанете да се сожалувате себе си: Кога им зборувате на другите за своите проблеми, што сакате? Сакате да се жалите, а не да ги решите проблемите. Култот на страдање е уште една карактеристика на луѓето. Полесно е да се срада и пати наместо да се живее среќно. Здравиот човек или ја прифаќа ситуацијата или ја менува. Невротичниот и не ја прифаќа и не ја менува. Да се земе за пример физичката болест, која реално не дозволува да се ужива во животот. Но здравите луѓе се лечат, а невротичните сакаат да боледуваат затоа што имаат причина да се сожалуваат себе си. Луѓето се спремни и да умрат, затоа што лечењето би значело дека сакаат да живеат и уживаат.

Одделете ги реалните проблеми од измислените: Невротичниот од здравиот човек се разликува по тоа што здравиот човек се грижи за вистинските проблеми, а невротичниот за непостоечките. Тоа е како хоби – да се измисли проблем и да се пати поради него цел цен.

Не се обидувајте да помагате на сите: Желбата да се помогне на другите произлегува од неверувањето дека личноста е заслужна луѓето да ја сакаат природно и без тоа. Со помошта на другите човекот се обидува да си ја подигне самодовербата. Со тоа, ако некој не ја бара, подобро е да не се мешате. Фокусирајте се на оние на кои навистина им е потребна помош.

Не зборувајте кога не ве прашуваат: Кога одговарате на прашања што не ви се поставени, ја покажувате вашата грижа. Поминував со мојата девојка пред една ужасна продавница со наслов „Гардероба“ кога таа рече: „Колку прекрасен фустан“, а после една минута мое молчење: „Знаев дека не си вистински маж“. Тоа го прават сите жени. Да побараше да ѝ ја купам, ќе ја купев, но ако во таква ситуација не тргнете веднаш кон касата, вие сте несигурен човек.

Одделете ја љубовта од зависноста: Луѓето никогаш не обрнуваат внимание на тоа што го сакаат. Да го земеме за пример пушењето. Јас пушев 37 години, последните 10 и по 3 кутии дневно. Еднаш ги оставив цел еден час и 40 минути кога докторот ми порача дека наскоро ќе имам срцев удар. Престанав да пушам кога си реков себе си дека не ги сакам цигарите, а само сум зависен од нив. Невротичните луѓе не разликуваат зависност од љубов.

Рутината не е секогаш лоша работа: Јас имам рутина (држам предавања) 35 години и поради тоа се чувствувам одлично затоа што сум конзервативен човек. Се сеќавате ли што ги праша Рабиновиќ затворениците: „Зошто секогаш шетате во ќелијата, мислите, не седите? Невротичните не можат да живеат спокојно, секогаш нешто менуваат, се плашат дека нешто нема да успее, стигнуваат до петти степен на образование. Кога ќе се појави можност да не прават ништо, ним им е непријатно.

Менувајте се себе, а не другите:  Тоа пред сé се однесува на воспитувањето деца. Не можете, ако не правите ништо со себе, а правите нешто со децата. Тие не го усвојуваат она што го зборувате, туку она што го правите и како се однесувате со другите. Ја советував една 70-годишна жена што не сфаќаше зошто нејзиниот 40-годишен син не се јавува на телефон. Се покажа дека таа му го наметнала тоа свое сценарио уште кога имал 15 години. Затоа сетете се, што вели стјуардесата во авионот – првин ставете ја маската на себе, а потоа на децата.

Полесно справувајте се со критиките: замислете дека седите во метрото и влегува баба. Цел вагон гледа на вас со омраза, а вие веднаш станувате од своето место за да отстапите. Зошто го направивте тоа; бабата не побара од вас да станете? Овде станува збор за ниско себевреднување и страв од осуда. Експериментирајте и не станувајте, ако не сакате. Без разлика што и да зборуваат другите – дека сте без совест, дека такво ѓубре не сретнале во животот, не реагирајте. Со тек на време, ќе сфатите дека туѓата оценка може да ја игнорирате.

Правете го само она што сакате: класичен пример е со децата, кога си играте со нив затоа што така треба. Јас сум добар човек и мора да си играм со нив. Престанете со тоа. Играјте си со нив кога ќе сакате, а кога не сакате – не играјте. Децата исто така чувствуваат кого вам не ви е интересно, а чувствуваат вина, не љубов. Играјте си со децата, кога сакате и колку сакате. И без тоа имате големи обврски. 

Од предавањата на Михаил Лабковски во Екатеринбург, октомври 2016.

Научници од Универзитетот во Ливерпул направиле реален приказ на ликот на Свети Никола, кој бил презентиран на 6 декември оваа година.

Свети Никола е еден од празниците што  македонските православни верници најмногу го славт како домашна слава или пак како именден. Речиси секое второ семејство овој ден го празнува како слава. Свети Никола е најпразнуваниот светец. Но, што е домашна, слава, а што именден? Како се празнува? Од кога домашните слави се практикуваат во Православната црква. Како и зошто се слави. На сите овие дилеми, одговор дава еминентниот православен теолог, Проф. Д-р Ратомир Грозданоски, во својата пооширна анализа, која „Религија.мк“ ви ја пренесува.

Прочитајте внимателно!

Шарпланинецот, гордоста на македонските планини, со осмислена стратегија за негова заштита се врати онаму каде што опстанува со векови, на пасиштата, како најголем заштитник на стадата. 
Македонскиот клуб на овчарско куче „Шарпланинец“, повеќе години интензивно работи на пополнување на базата на податоци за шарпланинецот, која овозможува детален преглед на регистрираните одгледувачници, половата структура и возраста на грлата.
Понеделник, 19 Декември 2016 20:20

Денеска именден слават Никола, Нино, Коле

Многу македонски семејства за свој домашен заштитник го имаат свети Никола и неговиот ден го празнуваат со многу свечености.

Светиот Максим Исповедник набројува пет причини поради кои Бог му допушта на ѓаволот можност да ги напаѓа луѓето:

 

 

Првата причина е да научиме да ја разликуваме добродетелта од злото преку опитот од овие напади.

 

 

Втората причина е за да „се принудиме“ на тој начин да се прилепиме со увереност и непоколебливост кон добродетелта.

 

 

Третата причина, за да не се гордееме кога напредуваме во добродетелта, туку за да се освестиме преку опитот од оваа духовна борба дека секој напредок е дар од Бога.

 

 

Четвртата причина е за да се смириме и да ги спознаеме и замразиме и исповедаме и да ги напуштиме нашите гревови, кои стануваат причина за искушенијата.

 

 

Петтата причина е за да не ја заборавиме нашата лична слабост и Божјата сила, кога напредувајќи во духовната борба ќе се удостоиме и ќе стасаме до некоја добродетел.

 

 

Во овие причини се наѕира љубовта Божја кон луѓето. Да не заборавиме дека тагите и искушенијата се дарови на човекољубието Божјо, бидејќи среде овие искушенија можеме – ако сакаме – да Го сретнеме страдалниот и распнат Христос, и Он да нѐ воскресне во вечниот живот.

 

 

Во крајна линија, ѓаволот со сите негови трикови и покрај сите негови вештини против нас, во сите нив се уништува себеси и триумфира Божјото човекољубие!

 

  Како што крстовидната замка која му ја постави ѓаволот на Христа, на крајот се покажа како уништување на самиот ѓавол и победа на Исуса (затоа и Крстот оттогаш е најстрашно оружје против ѓаволот), така и секоја замка која нам ни ја поставува ѓаволот може да стане победа над сатаната и причина за нашето спасение.
  Но со една неопходна претпоставка: дека ќе ги победиме сите искушенија со отсекување на нашата волја (т.е. на нашиот егоизам) и послушност „без граници“ на волјата Божја.
  Превод од грчки јазик: Свештеник Јани Мулев

Британија стана првата држава во светот што официјално дозволила вештачко оплодување при кое ќе може да се создаваат бебиња од три родитела.

Според страницата „Aγιορειτικες μνημες“ („Светогорски сеќавања“), чудото се случило на почетокот од овој месец во свештениот манастир Дохијар на Света Гора. Чудото го објавил еден монах кој присуствувал на настанот, а за него говорел и на едно предавање во Солун.

Во девет градови низ Македонија, меѓу кои и во главниот град Скопје, на Бадник ќе се случуваат масовни бадникови поворки, кои ќе го навестуваат Христовото раѓање. Идејата е да се воспостави традиција на православно празнување на Бандик, со пеење на православни црковни песни, наспроти паганскиот обичај на коледарските посети по домовите и пеење бесмислени пагански песни.

Монасите на Бигорскиот манастир успеале да ја разоткрија вистината, а минатата година и да ги пронајдат коските од свештеникот-маченик Овентиј Исаиев Фрчковски, свештеник од Галичник убиен од српската жандармерија во 1918 година. Во продолжение прочитајте ја приказната за подвигот изворно напишана од монасите во Бигорски.

Страница 10 од 52

За нас

Радио Илинден е 24/7 часовно иселеничко Македонско радио од Мелбурн кое постои повеќе од 12 години. 

За било какви инормации можете да не контактирате во секое време на Оваа е-адреса е заштитена од спамботови. Треба да ви е овозможено JavaScript за да ја видите. 

Лице за контакт: Дончо Ангелоски Оваа е-адреса е заштитена од спамботови. Треба да ви е овозможено JavaScript за да ја видите.
+61 403 111 815

Категории

  • Австралија
  • Политика
  • Економија
  • Живот
  • Став
  • Интервју
  • Спорт
  • Занимливости

Следете не на